SHESIM NJËSI KOMERCIALE TEK PARK AVENUE

Shesim njësi komerciale me sipërfaqe totale 119.3 m², i pozicionuar në Park Avenue 1, një projekt bashkëkohor me funksione të kombinuara, ku biznesi, shërbimet dhe hapësirat e banimit integrohen në një koncept të ri urban. Njësia ndodhet në katin përdhe (+0), dhe ofron akses të drejtpërdrejtë në nivel trotuari, një element i rëndësishëm për vizibilitetin, aksesueshmërinë dhe funksionimin e aktiviteteve të ndryshme komerciale. Lartësia prej 4.70 metrash krijon fleksibilitet të lartë në organizimin dhe përshtatjen e hapësirës sipas nevojave të biznesit. Projekti parashikon një kullë 17-katëshe të dedikuar për zyra, njësi tregtare dhe shërbimi të organizuara në dy nivele, apartamente dhe poste parkimi të strukturuara në dy kate. Afërsia me hapësirat e zyrave, rezidencat dhe parkun e ardhshëm krijon potencial për një fluks të vazhdueshëm përdoruesish, duke e bërë këtë pronë një mundësi tërheqëse si për zhvillimin e një aktiviteti biznesi, ashtu edhe për investim afatgjatë në një projekt me perspektivë zhvillimi. Një pronë komerciale me pozicionim strategjik, akses të drejtpërdrejtë dhe potencial të lartë përdorimi dhe investimi. Për më shumë informacione, na kontaktoni.