Tokë 44.60 ari në shitje në Fushë Kosovë – Miradi e Epërme

Toka gjendet në Fushë Kosovë, në fshatin Miradi e Epërme, në një zonë me zhvillim të shpejtë industrial dhe komercial, shumë afër hekurudhës dhe parkut industrial, me qasje të lehtë në rrugët kryesore që lidhen me Prishtinën dhe zonat përreth. Pozicionimi i saj e bën shumë të përshtatshme për zhvillime të ndryshme afariste, depo, logjistikë apo investime afatgjata. Parcela ka një sipërfaqe prej 44.60 ari (4,460m2) dhe karakteristikë shumë të favorshme është se rruga kadastrale e prek parcelën në një gjatësi totale prej rreth 130 metra, pasi toka gjendet në skaj të saj. Kjo i jep pronës qasje shumë të mirë për hyrje-dalje të automjeteve të rënda, transport dhe organizim të infrastrukturës së brendshme. Zona përreth tashmë është duke u zhvilluar intensivisht me biznese dhe prona industriale, ndërsa afërsia me hekurudhën dhe lidhjet rrugore e rrisin edhe më shumë potencialin investues të kësaj prone.